15 тамыз күні сағат 14:38-де Көкпекті ауданы, Көкпекті ауылдық округінің ашық аумағында үш бөлек учаскеде құрғақ шөптің жану фактісі тіркелді

Өрт шарпыған аумақтар:

* Еспе учаскесі – 80 гектар;
* Жылқыбай учаскесі – 85 гектар. 16 тамыз күні сағат 14:05-те өрт оқшауланды;
* Ұзынбұлақ учаскесі – 95 гектар.

Өртті сөндіру жұмыстарына Төтенше жағдайлар департаментінен 43 адам мен 7 техника, жергілікті атқарушы органдардан 70 адам мен 12 техника жұмылдырылды.

Сонымен қатар, өрт сөндірушілерге көмек көрсету үшін 68303 әскери бөлімінен 50 әскери қызметші мен 4 техника тартылды.

Өрт сөндіру жұмыстарына «Қазавиақұтқару» мекемесінің МИ-8 тікұшағы жұмылдырылып, әуеден 22 рет су төгілді. Жалпы көлемі – 66 тонна су.

Қазіргі уақытта өрт ошақтарын толық сөндіру және өрттің одан әрі таралуына жол бермеу бағытындағы жұмыстар жалғасуда. Оқиға орнындағы жағдай тиісті қызметтердің тұрақты бақылауында.