Семей қаласының Орталық саябағында жалпы аумағы 1600 шаршы метрді құрайтын заманауи мұз айдынын ашуға дайындық жүргізілуде. Жаңа нысан қала тұрғындары мен қонақтарының коньки тебуіне, отбасымен демалуына және бос уақытын тиімді өткізуіне мүмкіндік береді.
Мұз айдыны мұз құюға және оның бетін тегістеуге арналған арнайы техникамен жабдықталады. Бұл мұз жабынының сапасын тұрақты сақтап, келушілерге қолайлы жағдай жасауға мүмкіндік береді.
🔹Күн сайын көпшілікке арналған бес сырғанау сеансын өткізу жоспарлануда. Әр екі сағат сайын арнайы техникамен мұз бетін тазалау, тегістеу және қалпына келтіру жұмыстары жүргізіледі.
Жаңа мұз айдынының ашылуы қаланың спорттық инфрақұрылымын дамытуға, салауатты өмір салтын насихаттауға және тұрғындардың қысқы демалысын ұйымдастыру мүмкіндіктерін кеңейтуге ықпал етеді.
Пікір қалдыру